share
  • facebook
  • facebook-messager
  • whatsapp
  • email

HAPPIG New Year!超巨型聚寶盆載滿好運來


每逢大時大節,每個商場都使出渾身解數,務求令自己嘅節日裝飾夠搶眼、夠氣派!而海港城今次就以「喜豬拱門」為題,特別喺海運大廈露天廣場設置咗一座七米高嘅巨型「喜豬聚寶盆」!拱門象徵住吉兆,寓意大家新一年財源滾滾來!

海港城「喜豬拱門 HAPPIG New Year」

而呢座聚寶盆嘅設計都唔簡單架!除咗以多個框架組成之外,更加喺框架上以色彩鮮艷嘅繩索以幾何設計編織成多款喜慶圖案例如桃花、金錢等等,以嶄新潮流嘅設計表現傳統概念,新舊融合嘅手法非常有創意!

想知道下年運程,海港城今年仲新增咗數碼互動許願體驗,大家只要喺海運大廈樓梯裝置前捐款HK$20,就可以挑戰互動小遊戲,即可以獲得幸運錦囊一個!裡面裝有預測運程嘅「福豬開運卡」同埋「許願金幣」,睇完運程之後記得將金幣投入喜豬錢罌許願,為新年事事順利、一帆風順許下願望!

新年另外一樣唔可以缺少嘅就係舞龍舞獅嘅表演啦!今個新年海港城請咗一班龍精虎猛,年齡由5到10歲嘅小朋友所組成嘅「童舞醒獅團」,由本地專業醒獅團隊「姜偉忠金龍醒獅團」領軍下穿梭商場進行醒獅表演,為大家注入新一年嘅好運,記得mark實時間去欣賞舞龍舞獅啦!

「喜豬拱門 HAPPIG New Year」詳情

日期:1月25日 至 2月19日

地點:海運大廈露天廣場

醒獅表演詳情

日期:2月17日 (星期日)

地點:海港城


發佈日期:
資料最後更新日期為: