share
  • facebook
  • facebook-messager
  • whatsapp
  • email

旺角著數情報站 1月歲尾遊玩預告


距離農曆新年仲有一個月都無,各位打工仔拎定假plan好去邊到玩未呀?趁住歲尾,個個都做緊最後衝刺,準備迎接大家都愛嘅新年假嘅同時,不如都預先睇下啲商場有咩搞作,為新年熱個靚身!今期跟住蘋果優惠去到旺角,雖然旺角人多又逼,但係咁多又靚又Instagrammble嘅新年打卡點,加埋多間精選優惠食肆,再逼都要去啦!

少女粉紅豬 x 飲茶文化!約定你得閒飲茶! 

朗豪坊「《豬事如意》賀新年」

新年指定行程,當然係同家人親戚去飲茶啦。不過成間酒樓都係夢幻少女粉你又見過未?朗豪坊就有啦!揉合咗豬年、農曆新年、傳統茶樓同埋少女最愛嘅粉紅色,喺朗豪坊重新打造一個打卡熱點《豬事茶居》!

來到《豬事茶居》,除咗有隻好可愛嘅「豬大包」迎接大家之外,仲分別有五大打卡位置——「粉紅TEA BAR」、「金吉酥雀籠」、「復刻點心車」、「印仔點心紙」同埋「Instagrammble霓虹點心牆」!除咗可以同粉飾成全粉紅嘅茶樓、豬仔點心影相之外,仲有一樣嘢大家可以做! 

以為去茶樓就只係飲茶影相咁簡單?錯啦!《豬事茶居》點會只係咁普通呀,「步步糕升」電子版互動遊戲同埋「蒸蒸日上」執點心遊戲都等緊大家來挑戰架! 

不過《豬事茶居》要等到24號先開始,趁住未開始嘅呢段時間,邀請定你嘅親朋好友去呢個最特別嘅飲茶聚會啦!

「《豬事如意》賀新年」詳情

日期:1月24日 至 2月17日

地點:朗豪坊 4樓通天廣場


發佈日期:
資料最後更新日期為: