share
  • facebook
  • facebook-messager
  • whatsapp
  • email

彷如置身童話世界!My Melody陪你過聖誕


又到聖誕,又到聖誕!十二月就係聖誕節喇!而十一月先過咗一半,香港已經有好多地方充滿聖誕氣息,佈置咗好多聖誕裝飾!今次《蘋果優惠》就專注同你睇銅鑼灣同灣仔,由十一月中開始周圍睇、周圍影,一於趁聖誕節來臨之前,睇定裝飾、影定靚相啦!

【My Melody 聖誕聲夢小鎮】聖誕裝飾佈置

過多兩日,My Melody將會聯同佢嘅朋友仔綿羊仔Piano、老鼠 Flat、松鼠 Risu及熊熊 Kuma齊齊換上聖誕裝,拎齊樂器拉大隊走入銅鑼灣,分別喺東角、銅鑼灣地帶以及皇室堡為大家帶來溫暖窩心嘅聖誕旋律!三個地方除咗有擺設精美嘅擺設之外,仲有分別設有獨家禮遇,可以比到場消費嘅你哋換領限定嘅My Melody周邊商品呀!

同大家推介番呢個聖誕聲夢小鎮嘅焦點,就係呢架My Melody 「Sing」 光列車啦!當然呢架唔只係一加普通木紋火車啦,車頭以經典蝴蝶結造型嘅My Melody作為裝飾,就好似My Melody要帶住大家前進咁呀!My Melody嘅粉絲記得要mark實時間去銅鑼灣走一轉啦!

【My Melody 聖誕聲夢小鎮】聖誕裝飾佈置 展出詳情

日期:11月18日 - 2019年1月1日

地點:皇室堡地下中庭及1樓、東角LAFORET、銅鑼灣地帶

【渣打藝趣嘉年華2018】巨型木偶展覽

唔知大家仲記唔記得我哋上個月介紹過嘅藝趣嘉年華呢?據聞單單兩日已經吸引左19萬人次到場參與呢場青年藝術盛事,真係非常厲害!而成個嘉年華嘅戲肉巡遊表演都順利完結,700人嘅巡遊隊伍真係超有氣勢,仲吸引咗好多市民同遊客圍觀添!

巨型木偶栩栩如生,好似真係進入咗綠野仙蹤嘅世界入面咁!如果錯過呢個巡遊嘅朋友都唔駛唔開心架,因為其中兩個參與巡遊嘅巨型木偶「鋼鐵人」同埋「桃樂絲大歷險」今次就會現身利園一期地下,作為藝術品展出呀!雖然唔係聖誕燈飾但都值得一睇!仲有幾日時間,要快啲趁住個假期去睇吓啦!

【渣打藝趣嘉年華2018】巨型木偶展覽 展出詳情

日期:即日起至11月22日

地點:銅鑼灣利園一期地下


發佈日期:
資料最後更新日期為: