share
  • facebook
  • facebook-messager
  • whatsapp
  • email

走入古人想像世界 探究夢幻神獸


上次同大家預告過,位於時代廣場嘅展覽原來去到二月尾都仲有!雖然新年已經過去,但呢個包含咗傳統智慧、文化考究結合現今藝術嘅展覽非常值得一睇!

展覽係關於古人想像以及記載嘅「神獸」,內容主要圍繞為人帶來吉兆嘅「瑞獸」。神獸係由古代人憑豐富想像力嘅創作,而神獸取材於各種飛禽走獸嘅形態特徵,例如係大家最常聽到嘅「龍」同埋「鳳」,都係由多種動物嘅特徵結合而成。

而呢啲神獸同瑞獸都分別被賦予唔同嘅意思,例如麒麟寓意添丁、玄武代表增壽、貔貅則可以招財,種種嘅神獸都寄託咗古代人對世間事物嘅希冀,體現到古代嘅文化禮俗。

嚟到時代廣場,佢哋就選擇用一個創新嘅形式為大家介紹同展示多隻瑞獸,結合媒體藝術、書法以及裝置藝術,將古代神獸嘅世界觀帶到大家眼前!

現場仲有一個好啱大家打卡嘅點,就係由美國 Dog & Pony所設計嘅「黃金年華」,大家可以走入一片黃金花海之中,除咗同瑞獸同遊之外仲可以大影特影!

「新年與瑞獸同遊」詳情

日期:1月17日 至 2月24日

時間:10 am - 10 pm

地點:時代廣場地下


發佈日期:
資料最後更新日期為: